Si të transmetosh pozitivitet?

Të menduarit shërben gjithmonë. Në çdo rrethanë, nuk ka çast të ditës që ne të mos humbasim në mendime. Eshtë një proçes i natyrshëm. Janë ndjesi të papërshkueshme. Edhe kur nxitojmë të jemi të përpiktë në objektivat tona, mendimet nuk na lenë rehat, ato ecin me të njëjtin hap si ne. Ndonjëherë ndodh që mendja të mos shikojë dhe reflektojë, pasi është përqëndruar tashmë diku tjetër. Por magjinë, e prish vetëm momenti kur duhet të kthehemi me këmbë në tokë. Kjo përbën edhe pjesën më aktive të ditës sonë. Në shumicën e rasteve mundohemi të shkëputemi edhe nga stresi i ditës, por edhe nga ngjyrat e zbehta që na pushtojnë. Fillojmë të largohemi vetëm për pak nga frika, nga realiteti, nga makthet dhe pas një etape vërejmë se kemi larguar vetëm një pjesë të problemeve. Kjo është edhe forma më e bukur, më e shëndetshme e të ballafaquarit me realitetin. Gëzon njëkohësisht paqen që fal natyra, ngjyrat e saj. Fillon e bisedon me miq të rinj, miq të paqtë. Komunikon me botën lirshëm, merr frymë thellë, dëgjon tinguj shprese, dhe me pas je ti ai që transmeton këtë pozitivitet tek miqtë.

Beso në sukses!

Beso në sukses!

Suksesi nënkupton shumë gjëra të mrekullueshme, pozitive. 
Suksesi nënkupton: një shtëpi të mirë, pushime, udhëtim, gjëra të reja, siguri financiare, etj. Suksesi nënkupton të fitosh admirim dhe respekt në shoqëri. Suksesi domethënë liri: liri nga brengat, frikërat, frustrimet dhe dështimi. Suksesi domethënë vetë-respekt, të gjesh vazhdimisht më shumë lumturi dhe satisfaksion të vërtetë nga jeta, të jesh i aftë të bësh më shumë për ata që varen nga ti. 

Suksesi, arritja është qëllimi i jetës! Një fjalë e urtë thotë: Nëse ke besim mund të lëvizësh malet. Beso, vërtet beso, se mund ta lëvizësh një mal dhe mundesh. Jo shumë njerëz besojnë se mund t’i lëvizin malet. Pra, si rezultat, jo shumë e bëjnë këtë. Mendo sukses, mos mendo dështim. Besimi punon kështu. Besimi, qëndrimi “Jam pozitiv, unë mundem”, e gjeneron fuqinë, shkathtësinë, dhe energjinë e nevojshme për ta bërë. Besimi i fuqishëm, e nxit mendjen t’iu bjerë në fije mënyrave dhe mjeteve dhe si ta bëjë. Dhe besimi se mund t’ia dalësh i bën të tjerët të jenë konfidentë me ty. Besimi në rezultate të mëdha është forca shtytëse, fuqia prapa të gjithë librave të mëdhenj, shfaqjeve të mëdha dhe zbulimeve shkencore të mëdha.

Besimi në sukses është prapa çdo biznesi të suksesshëm. Besimi në sukses është përbërësi themelor, absolutisht esencial i njerëzve të suksesshëm. Beso, vërtet beso, se mund t’ia dalësh, dhe do t’ia dalësh. Qëndrimi “Në rregull do të provoj, por s’ma merr mendja se do të funksionojë” prodhon dështime. Mosbesimi është fuqi negative. Kur mendja nuk beson apo dy-shon, mendja tërheq “arsye” për ta përkrahur mosbesimin. Dyshimi, mosbesimi, vullneti i nënvetëdijshëm për të dështuar, mosdashja vërtet të kesh sukses, është përgjegjës për shumicën e dështimeve. Mendo dyshim dhe dështo. Mendo fitore dhe ki sukses. Është mirë të respektohet lideri. Mëso nga ai. Vëzhgoje atë. Studioje atë. Por mos e adhuro.

Beso se mund ta tejkalosh. Beso se mund të shkosh përtej. Ata që e ushqejnë në mendje qëndrimin ‘i dyti pas më të mirit’ bëhen pa ndryshim të dytët pas më të mirit. Personi është produkt i mendimeve të veta. Beso në Përmasa të Mëdha. Nise ofensivën tënde të suksesit me besim të ndershëm, të sinqertë se mund t’ia dalësh. Beso në përmasa të mëdha dhe rritu. Beso në vetvete, dhe gjërat e mira do nisin të ndodhin. Mendja jote është “fabrikë e mendimeve”. Është fabrikë e zënë, që prodhon mendime të panumërta në një ditë.Mendimi Pozitiv